ترجمان وائٹ ہاؤس کا کہنا ہے کہ ڈرون حملے قانونی اور دانشمندانہ ہیں۔
اپنے ایک بیان میں ترجمان وائٹ ہاؤس نے کہا کہ امریکا کے خلاف ہتھیار اٹھانے والا امریکا کا دشمن ہوتا ہے اور جس نے بھی یہ قدم اٹھایا اس کے خلاف بھرپور کارروائی ہوگی۔
ترجمان کا کہنا تھا کہ امریکا القاعدہ کے ساتھ حالت جنگ میں ہے، صدر اوباما ڈرون حملوں میں امریکی شہریوں کی ہلاکت سے آگاہ ہیں اور وہ جو بھی ایکشن لیتے ہیں سوچ سمجھ کر لیتے ہیں۔
واضح رہے کہ اس سے قبل امریکی وزیر دفاع لیون پینیٹا نے بھی واضح طور پر ڈرون حملے جاری رکھنے کا اعلان کیا تھا تاہم پاکستان کا مؤقف ہے کہ ڈرون حملے اس کی خود مختاری کے خلاف ہیں اور اس سے دہشتگردوں کو مدد ملتی ہے۔