ٹرک اور رکشے میں تصادم سے 5 افراد جاں بحق جب کہ 4 افراد شدید زخمی ہوگئے۔

ایکسپریس نیوزکے مطابق سیہون شریف میں تیز رفتار ٹرک نے سامنے سے آنے والے رکشہ کو ٹکر ماردی، جس کے نتیجے میں رکشہ میں سوار ایک ہی خاندان کے 5 افراد موقع پر ہی جاں بحق جب کہ 4 افراد زخمی ہوگئے۔

پولیس کا کہنا ہے کہ جاں بحق ہونے والوں میں 2 خواتین اور ایک بچہ بھی شامل ہیں جب کہ زخمیوں کوقریبی اسپتال منتقل کردیا گیا ہے جہاں انہیں طبی امداد فراہم کی جارہی ہے۔