پی ایس 114 کا میدان پیپلز پارٹی نے مار لیا

پیپلز پارٹی نے تاریخ میں پہلی بار پی ایس 114 کی نشست جیتی ہے۔ فوٹو: سوشل میڈیا

---

حلقہ پی ایس 114 میں ہونے والے ضمنی الیکشن کے غیر حتمی اور غیر سرکاری نتائج کے مطابق پیپلز پارٹی کے امیدوار سعید غنی نے میدان مار لیا ہے۔

ایکسپریس نیوزکے مطابق صوبائی اسمبلی کے حلقہ پی ایس 114 میں ضمنی الیکشن کے غیر حتمی اور غیر سرکاری نتائج کے مطابق پیپلز پارٹی کے سعید غنی 23840 ووٹوں کے ساتھ پہلے، ایم کیو ایم پاکستان کے کامران ٹیسوری 18106 ووٹوں کے ساتھ دوسرے، مسلم لیگ (ن) کے امیدوار علی اکبر گجر تیسرے اور تحریک انصاف کے نجیب ہارون چوتھے نمبر پر رہے۔

پیپلز پارٹی کے رہنما سعید غنی نے سوشل میڈیا پر بھی اپنی جیت کا اعلان کرتے ہوئے پی ایس 114 کے عوام کو سلام پیش کیا۔

Finally we did
Salute to the great people of #PS114
👏👏👏👏👏👏👏@BBhuttoZardari @AseefaBZ @BakhtawarBZ #PS114BhuttoKa

— Senator Saeed Ghani (@SaeedGhani1) July 9, 2017

دوسری جانب پاکستان پیپلزپارٹی کے چیرمین بلاول بھٹو زرداری نے بھی پی ایس 114 میں شاندار کامیابی پر سعید غنی کو مبارکباد پیش کی ہے۔

Congratulations @SaeedGhani1 & #PPP family. For our fantastic victory in #PS114 . #YeSheherKarachiBhuttoKa

— BilawalBhuttoZardari (@BBhuttoZardari) July 9, 2017

واضح رہے کہ سپریم کورٹ نے الیکشن میں دھاندلی کرنے پر مسلم لیگ ن سے تعلق رکھنے والے عرفان اللہ مروت کو نااہل قراردے دیا تھا جس کے باعث پی ایس 114 میں ان کی خالی ہونے والی نشست پر ضمنی الیکشن کرایا گیا۔