مفتی پوپلزئی کی مبینہ ملک بدری معاملہ سینیٹ کمیٹی تک پہنچ گیا
مسجد قاسم علی خان کی کمیٹی کے رکن کی حافظ حمداللہ سے ملاقات، معاملہ حل کرنے کا مطالبہ
مسجد قاسم علی خان کی کمیٹی کے رکن کی حافظ حمداللہ سے ملاقات، معاملہ حل کرنے کا مطالبہ۔ فوٹو: فائل
پشاور کی جامع مسجد قاسم علی خان کی مقامی رویت ہلال کمیٹی نے مفتی شہاب الدین پوپلزئی کی ملک بدری اورمرکزی رویت ہلال کمیٹی پر عدم اعتماد کا معاملہ سینیٹ تک پہنچا دیا۔
مقامی کمیٹی کے رکن حسین احمد مدنی نے گزشتہ روز سینیٹ کی قائمہ کمیٹی برائے مذہبی امور کے چیئرمین سینیٹر حافظ حمد اللہ سے ملاقات کی۔ اس موقع پر حسین احمد مدنی نے سینیٹر حمد اللہ سے مطالبہ کیا کہ سینٹ کی قائمہ کمیٹی نے مرکزی رویت ہلال کمیٹی کی تشکیل نو کے حوالے سے جو سفارشات تیار کی ہیں ان پر عمل درآمد کیاجائے اور اس ضمن میں قانون سازی کی جائے تاکہ یہ تنازع ختم ہوسکے۔ انھوں نے چیئرمین قائمہ کمیٹی سے یہ مطالبہ بھی کیا کہ مفتی شہاب الدین پوپلزئی کی ملک بدری ختم کرانے کے لیے بھی اقدامات کیے جائیں۔
مقامی کمیٹی کے رکن حسین احمد مدنی نے گزشتہ روز سینیٹ کی قائمہ کمیٹی برائے مذہبی امور کے چیئرمین سینیٹر حافظ حمد اللہ سے ملاقات کی۔ اس موقع پر حسین احمد مدنی نے سینیٹر حمد اللہ سے مطالبہ کیا کہ سینٹ کی قائمہ کمیٹی نے مرکزی رویت ہلال کمیٹی کی تشکیل نو کے حوالے سے جو سفارشات تیار کی ہیں ان پر عمل درآمد کیاجائے اور اس ضمن میں قانون سازی کی جائے تاکہ یہ تنازع ختم ہوسکے۔ انھوں نے چیئرمین قائمہ کمیٹی سے یہ مطالبہ بھی کیا کہ مفتی شہاب الدین پوپلزئی کی ملک بدری ختم کرانے کے لیے بھی اقدامات کیے جائیں۔