شیرشاہ پولیس سے مقابلے میں ایک ملزم فرار دوسرا زخمی حالت میں گرفتار

ملزم کے قبضے سے اسلحہ برآمد ہوا جبکہ ملزم کا ساتھی فرار ہونے میں کامیاب ہوگیا ۔ فوٹو: فائل

---

شیر شاہ کے علاقے گودام ایریا میں شاہجہاں ہوٹل کے قریب موٹر سائیکل سوار2 ملزمان شہریوں سے اسلحے کے زور پر لوٹ مار کررہے تھے کہ اطلاع ملنے پر پولیس پارٹی موقع پر پہنچ گئی۔

ایس ایچ او شیرشاہ شمس الزماں نے بتایا کہ پولیس کے پہنچنے پر ملزمان نے فائرنگ کردی اور فرار ہونے کی کوشش کی، پولیس کی جوابی فائرنگ کے دوران ایک ملزم حبیب خان ولد مصاحب خان دائیں ٹانگ پر گولی لگنے سے زخمی ہوگیا جسے پولیس نے گرفتار کرلیا ، ملزم کے قبضے سے اسلحہ برآمد ہوا جبکہ ملزم کا ساتھی فرار ہونے میں کامیاب ہوگیا ۔