وزیر اعظم کے صاحبزادے حسین نواز واپس پاکستان پہنچ گئے

حسین نواز پی آئی اے کی پرواز پی کے 786 کے ذریعے وطن واپس پہنچے ہیں؛فوٹوفائل

---

وزیر اعظم پاکستان نواز شریف کے بڑے صاحبزادے حسین نواز قطر سے واپس پاکستان پہنچ گئے۔

ایکسپریس نیوز کے مطابق حسین نواز چند روز قبل قطری شہزادے حماد بن جاسم سے ملاقات کرنے کیلئے قطر کے دارالحکومت دوحہ گئے تھے، تاہم حسین نواز آج واپس پاکستان پہنچ گئے ہیں، ذرائع کے مطابق حسین نواز آج پی آئی اے کی پرواز پی کے 786 کے ذریعے وطن واپس پہنچے ہیں۔

اس خبرکوبھی پڑھیں: وزیراعظم کے صاحبزادے حسین نواز قطر روانہ

واضح رہے کہ قطری شہزادے حماد بن جاسم کے متعدد ملکوں کے سیاسی و مقتدر خاندانوں کے ساتھ کاروباری تعلقات رکھتے ہیں جبکہ پاناما لیکس کی تحقیقات میں وزیر اعظم کے بچوں کے بیرون ملک اثاثوں سے متعلق قطری شہزادے کے خطوط کے چرچے تاحال جاری ہیں۔