گیند لگنے سے زخمی ہونیوالے فلیچراسپتال سے فارغ سوشل میڈیا پرمزاحیہ پیغام

امید ہے کہ (میری طرح) بال بھی رو بہ صحت ہو گی، لیوک فلیچر ۔ فوٹو : سوشل میڈیا

---

کاؤنٹی ٹوئنٹی 20 میچ میں سر پر گیند لگنے سے زخمی ہونے والے پیسر لیوک فلیچر کو اسپتال سے فارغ کر دیا گیا، فلیچر نے سوشل میڈیا پر خبرگیری کیلیے پیغامات پر مداحوں کا شکریہ ادا کرتے ہوئے مزاحیہ انداز میں ٹویٹس کیں۔

کاؤنٹی ٹوئنٹی 20 میچ میں سر پر گیند لگنے سے زخمی ہونے والے لیوک فلیچر کو اسپتال سے فارغ کر دیا گیا ہے، انہوں نے سماجی رابطے کی ویب سائٹ ٹویٹر پر مدا حوں کا شکریہ ادا کرتے ہوئے مزاحیہ اندازمیں ٹویٹ کیا اور کہا ''آپ کے پیغامات کا شکریہ، (میچ کے) نتیجہ پر شرمندگی ہوئی، بیئر کو فتح پر مبارکباد، اب چند پیراسٹا مول کھانے کا وقت ہے۔''

Thanks for the messages. Shame about the result. Congrats to the bears!! Time for a few paracetamol 😉

— FLETCH19 (@fletcherluke) July 8, 2017

لیوک فلیچر نے ایک اور پیغام میں لکھا ''آپ کے ہمدردانہ پیغامات کا دوبارہ شکریہ! امید ہے کہ (میری طرح) بال بھی رو بہ صحت ہو گی۔''

Thanks again for all the kind messages!! Hope the ball is recovering aswell as me 😂😂👍👍

— FLETCH19 (@fletcherluke) July 9, 2017

ٹیم فزیو کے مطابق پیسر کی حالت بہتر ہے لیکن اب بھی ان کی انتہائی نگہداشت جاری رہے گی۔

واضح رہے کہ گزشتہ روز ناٹنگھم شائر کے برمنگھم بیئر کے خلاف میچ میں میزبان ٹیم کے بیٹسمین سیم ہین کی لگائی گئی شاٹ بولر فلیچر کے سر سے ٹکرائی تھی جس کے بعد وہ وہیں بیٹھ گئے تھے، زور دار چوٹ کے باوجود وہ بیہوش نہیں ہوئے اور انہیں اسپتال منتقل کر دیا گیا تھا، اس دوران کھیل 30 منٹ تک رکا رہا تھا اور ساتھی پلیئرز کے چہروں سے خوف عیاں تھا۔ بعد ازاں میچ دوبارہ شروع ہوا تو بیئرز نے فتح حاصل کی تھی۔