سرائے نورنگ آرمی کیمپ کے پاس تیسرے روز پھر دھماکا فائرنگ

رات گئے دھماکے کے بعد فائرنگ سے علاقہ گونج اٹھا، مارے جانیوالے4 دہشت گرد سپرد خاک فوٹو فائل

---

سرائے نورنگ آرمی کیمپ گزشتہ رات پھر دھماکوں اور فائرنگ سے گونج اٹھا ۔

2 دن پہلے رات کے وقت آرمی کیمپ پر دہشت گردوں نے حملہ کیاتھا تیسری رات تقریباً2 پہلے ایک زور دار دھماکا ہوا اور اس کے بعد فائرنگ کا سلسلہ شروع ہوگیا جو کافی دیر تک جاری رہا ' پہلے واقعے سے لوگ اب تک سہمے ہوئے ہیں ہر طرف خوف کا ماحول ہے سیکیورٹی فورسز مختلف علاقوں میں سرچ آپریشن کررہی ہے اور اب تک متعدد افراد کو حراست میں لے لیا گیا جن سے پوچھ گچھ جاری ہے۔



کوٹکہ شاہ جہان سے ایک اسکول طالب علم عبدالصمد خان کو بھی تفتیش کے لیے لے جایا گیا 'آرمی کیمپ پر حملے میں مارے گئے 4 دہشت گردوں کی لاشوں کو ڈھیری قبرستان نورنگ میں دفنا دیا گیا جن میں سے2 ازبک لگتے تھے ۔