شاہ رخ کا ابرام کے مستقبل سے متعلق اہم انکشاف

ابرام اسٹار بننے کیلئے نہیں بلکہ محبت پانے کیلئے پیدا ہوا ہے،شاہ رخ خان؛فوٹوفائل

---

بالی ووڈ کنگ شاہ رخ خان نے اپنے بیٹے ابرام خان کے مستقبل سے متعلق بیان دیتے ہوئے کہا ہے کہ ابرام اسٹار بننے کیلئے نہیں بلکہ محبت پانے کیلئے پیدا ہوا ہے اسے مستقبل میں ایک اسٹار سے زیادہ پیار ملے گا۔

بالی ووڈ کے سپر اسٹار شاہ رخ خان بہترین اداکار ہونے کے ساتھ محبت کرنے والے باپ بھی ہیں اور اپنے چھوٹے بیٹے ابرام سے انہیں بے پناہ محبت ہے ،شاہ رخ اکثر اپنی فلمی مصروفیات اور دوسری سرگرمیوں کی وجہ سے اپنے بچوں کو بھرپور وقت نہیں دے پاتےلہٰذاانہوں نے ابرام کے ساتھ وقت گزارنے کا حل یہ نکالا ہے کہ وہ ابرام کو کبھی اکیلا نہیں چھوڑتے، ان کی بیٹے سے دیوانگی کا یہ عالم ہے کہ وہ ابرام کو شوٹنگ پر بھی اپنے ساتھ لے کر جاتے ہیں اور فکرکرنے والی ماں کی طرح ان کا بھرپور خیال رکھتے ہیں۔

اس خبرکوبھی پڑھیں: کیا ابرام شاہ رخ خان کا بیٹا نہیں؟

حال ہی میں شاہ رخ خان نے ٹویٹر پر ابرام کے حوالے سے پیغام جاری کرتے ہوئے کہا کہ میرا بیٹا ابرام اسٹار بننے کیلئے نہیں بلکہ محبت پانے کیلئے پیدا ہوا ہے انہوں نے کہامجھے یقین ہے اسے مستقبل میں ایک اسٹار سے زیادہ محبت ملے گی اور اس کے چاہنے والے اسے بے حساب پیار کریں گے۔

More than stardom I believe he is born for Lovedom! So fortunate to get such love from so many, he is blessed. https://t.co/xEwz6d6Gjd

— Shah Rukh Khan (@iamsrk) July 11, 2017

واضح رہے کہ صرف شاہ رخ خان ہی نہیں بلکہ ابرام بھی اپنے والد سے بے پناہ محبت کرتا ہے ایک انٹرویو کے دوران شاہ رخ خان کا کہنا تھا کہ شوٹنگ کے دوران اگر ابرام مجھے کسی کے ساتھ لڑتے ہوئے دیکھ لیتا ہے تو اسے اس شخص سے نفرت ہوجاتی ہے اور وہ اس سے بات چیت بند کردیتا ہے۔

اس خبرکوبھی پڑھیں: شاہ رخ کے چھوٹے بیٹے ابرام کو لوگوں سے نفرت کیوں؟

واضح رہے کہ شاہ رخ خان ان دنوں امتیاز علی کی فلم ''جب ہیری میٹ سیجل'' کی تشہیری مہم میں مصروف ہیں جس میں ان کے ساتھ نامور اداکارہ انوشکا شرما مرکزی کردار میں نظر آئیں گی فلم چار اگست کو نمائش کیلئے پیش کی جائے گی۔