2012کی بالی ووڈ حسینائیں 2013 میں بھی دھوم مچانے کے لئے تیار

2012 کی سب سے ہٹ ہیروئن " سوناکشی سنہا " 2013 میں دو فلموں ونس سپون اے ٹائم ان ممبئی ٹو“ اور ”لٹیرے“ میں دکھیں گی۔

ویب ڈیسک February 06, 2013

دیپکا 2013ء میں تین ہندی فلموں "ریس ٹو"، "یہ جوانی ہے دیوانی" اور "چنائی ایکسپریس" میں نظر آئیں گی فوٹو: فائل

2012کی بالی ووڈ حسینائیں 2013 میں بھی دھوم مچانے کے لئے تیار ہیں۔

2012 میں دھوم مچانے والی بالی ووڈ حسینائیں ،اب نئے سال میں نئے جذبے کے ساتھ دھوم مچانے کو تیار ہوگئی ہیں اور کئی شاندار فلموں میں آپ کویہ دھوم مچاتی نظر آئیں گی۔

دیپکا 2013ء میں تین ہندی فلموں "ریس ٹو"، "یہ جوانی ہے دیوانی" اور "چنائی ایکسپریس" میں نظر آئیں گی ، پریانکا چوپڑا "اگنی پتھ" اور "برفی" کے ہٹ شو کے بعد اب نئے سال میں فلم"کرش ٹو" اور "غنڈے " میں ادائیں دکھائیں گی۔

2012 میں فلم " تلاش " اور "دبنگ ٹو " کے فیول کول کے سپر ہٹ آئیٹم کے بعد اب نئےسال میں اب تک کی اطلاعات کے مطابق کرینہ کپور کی صرف ایک فلم " ستیہ گرے"ریلیز ہوگی کرینہ کے مقابلے میں سونم کپور 2013ء میں "بھاگ ملکھا بھاگ"، رانجھا" اور" خوبصورت "میں کام کرتی نظر آئیں گی۔

کترینہ کیف بھی نئے سال میں اب تک صرف ایک پروجیکٹ" دھوم تھری" کے ساتھ بڑے پردے پرانٹری دے رہی ہیں , ادھر 2012 کی سب سے ہٹ ہیروئن " سوناکشی سنہا " 2013 میں دو فلموں ونس سپون اے ٹائم ان ممبئی ٹو" اور "لٹیرے" میں دکھیں گی۔