سندھ کے وزیر صحت ڈاکٹر صغیر احمد نے کہا ہے کہ سانحہ بلدیہ ٹاؤن میں ناقابل شناخت لاشوں کو لواحقین کی اجازت کے بعد اتوار کے روز سپرد خاک کردیا جائے گا۔
ایکسرپیس نیوز کے مطابق وزیر صحت سندھ ڈاکٹر صغیر احمد نا کہا ہے کہ سانحہ بلدیہ ٹاؤن میں ناقابل شناخت لاشیں تاحال سپرد خاک نہیں کی گئیں تاہم اب لواحقین سے اجازت لے لی گئی ہے جس کے بعد ان میتوں کی نماز جنازہ اتوار کے روز بلدیہ ٹاؤن میں ادا کی جائے گی۔
واضح رہے کہ گزشتہ برس بلدیہ ٹاؤن کی ایک فیکٹری میں آگ لگنے سے 250 سے زائد افراد لقمہ اجل بن گئے تھے تاہم کئی ماہ گزرنے کے بعد بھی 16 میتوں کی شناخت نہیں کی جاسکی۔