نوشہرہ شدت پسندوں کا پولیس چوکی پر حملہ جوابی کارروائی پر حملہ آور فرار

شدت پسندوں نے حملہ کرکے چوکی کو گھیرے میں لے لیا،دہشت گردوں اور پولیس کے درمیان 2 گھنٹوں تک فائرنگ کا تبادلہ جاری رہا. فوٹو فائل

---

پولیس چوکی پر شدت پسندوں نے دستی بموں سے حملہ کیا تاہم پولیس کی جوابی کارروائی پر حملہ آور فرار ہوگئے۔

نوشہرہ کے علاقے بہادر بابا مزار کے قریب ملنگی پولیس چوکی پر شدت پسندوں نے حملہ کرکے چوکی کو گھیرے میں لے لیا، پولیس نے مزید نفری طلب کرکے شدت پسندوں کے خلاف جوابی کارروائی کی، اس دوران شدت پسندوں نے بھاری ہتھیاروں کا استعمال کرتے ہوئے چوکی پر دستی بم بھی پھینکے جس سے چوکی کو نقصان پہنچا ۔

دہشت گردوں اور پولیس کے درمیان 2 گھنٹوں تک فائرنگ کا تبادلہ جاری رہا تاہم پولیس کی بھر پور جوابی کارروائی سے دہشت گرد فرار ہوگئے۔