ملتان میں کار اور ٹرالر میں تصادم سے 2 افراد جاں بحق

ریسکیو ٹیم نے فوری طورپرزخمیوں کو اسپتال منتقل کردیا: فوٹو: فائل

---

مخدوم رشید روڈ کے قریب کاراور ٹرالر میں تصادم سے 2 افراد جاں بحق ہوگئے۔

ایکسپریس نیوزکے مطابق ملتان میں مخدوم رشید روڈ کے قریب کارسوارائیرپورٹ سے ہارون آباد جارہے تھے کہ اچانک تیزرفتاری کے باعث ٹرالرسے تصادم ہوگیا جس کے نتیجے میں 2 افراد جاں بحق جب کہ 4 افراد زخمی ہوگئے۔ ریسکیو ٹیم نے فوری طورپرزخمیوں کو اسپتال منتقل کردیا۔

دوسری جانب جھنگ میں چنیوٹ روڈ پرٹرک اورآئل ٹینکرمیں ٹائرپھٹ جانے کے باعث تصادم ہوگیا، جس کے نتیجے میں 2 افراد زخمی جبکہ آئل ٹینکر سے تیل لیک ہو کربہنے لگا۔ زخمیوں کو فوری طور پر طبی امداد کے لیے ریسکیو ٹیم کی جانب سے قریبی اسپتال منتقل کردیا گیا ہے جہاں انہیں طبی امداد فراہم کی جاری ہے۔