چیف الیکشن کمشنرکو روکنے کی پٹیشن طاہرالقادری آج درخواست دائرکرینگے

چیف الیکشن کمشنرکو فرائض کی ادائیگی سے فی الفور روک دینے کیلیے سپریم کورٹ میں حکم امتناع کی ایک درخواست دائرکی گئی ہے جبکہ ڈاکٹر طاہر القادری جمعرات کو سپریم کورٹ پہنچیں گے اورالیکشن کمیشن کی تشکیل نوکیلیے رٹ پٹیشن دائرکریں گے۔


آن لائن کے مطابق شاہداورکزئی نے چیف الیکشن کمشنرکوکام سے روکنے کی درخواست میں موقف اختیارکیاہے کہ آرٹیکل 217کے تحت سپریم کورٹ کے جج کو قائم مقام چیف الیکشن کمشنر نامزدکیا جائے۔ مقدمے میں فخرالدین جی ابراہیم کو فریق نہیں بنایا البتہ وفاقی حکومت کو ان کے بارے میں معلومات صدر تک پہنچانے کی ہدایت طلب کی گئی ہے ۔سپیشل رپورٹرکے مطابق ڈاکٹر طاہر القادری آج الیکشن کمیشن کی تشکیل نوکیلیے سپریم کورٹ میںرٹ پٹیشن دائرکریں گے۔ان کے ہمراہ پاکستان عوامی تحریک لائرزونگ کے وکلاء بڑی تعدادمیںسپریم کورٹ پہنچے گی۔