وزیراعلی پنجاب شہباز شریف نے میٹروبس کے افتتاح کے حوالے سے انتظامات کی حتمی منظوری دیدی ، 35 ممالک کے سفیربھی شرکت کریں گے۔

ذرائع کے مطابق میٹرو بس کی افتتاحی تقریب میں ترکی کے نائب وزیراعظم باصر اٹالے علی بابا کان کے علاوہ 35 کے لگ بھگ ممالک کے سفیر اور دیگر اہم شخصیات شرکت کریں گی جبکہ بیرون ملک سے آنے والے غیرملکی مہمانوں کے اعزاز میں وزیراعلی پنجاب حضوری باغ میں عشائیہ دیں گے تاہم افتتاحی تقریب کے موقع پر سیکیورٹی کے سخت انتظامات کئے جائیں گے۔