نوازشریف کی نااہلی کے بعد ایازصادق کووزیراعظم دیکھ رہا ہوں شیخ رشید

شریف خاندان کے وکیل سلمان اکرم راجا اب اپنی فیس کے پیسے پورے کررہے ہیں، شیخ رشید فوٹو: فائل

---

عوامی مسلم لیگ کے سربراہ شیخ رشید کا کہنا ہے کہ وہ نوازشریف کی نااہلی کے بعد ایازصادق کو وزیراعظم دیکھ رہے ہیں۔

سپریم کورٹ کے باہرمیڈیا سے بات کرتے ہوئے شیخ رشید احمد نے کہا کہ پاناما کیس اپنے مطقی انجام کو پہنچ رہا ہے، اس حوالے سے اگلا ہفتہ انتہائی اہم ہے۔ اللہ کو منظور ہوا تو سپریم کورٹ نے حکمرانوں کے تابوت مکمل ثبوتوں کے ساتھ نکلیں گے۔ شریف خاندان کے وکیل سلمان اکرم راجا اب اپنی فیس کے پیسے پورے کررہے ہیں جب کہ اسحاق ڈار کو اس کے وکیل نے مروا دیا۔

نوازشریف کی نااہلی کی صورت میں ممکنہ وزیراعظم کے حوالے سے شیخ رشید نے کہا کہ نوازشریف کی نااہلی کے بعد وزارت عظمیی کے لیے خواجہ آصف اور سردارایاز صادق کے درمیان ٹائی ہے لیکن وہ ایاز صادق کو وزیر اعظم دیکھ رہے ہیں۔