ق لیگتحریک انصاف اورطاہرالقادری الیکشن ملتوی کرانا چاہتے ہیں چوہدری نثار

حکمرانوں نے ملک کو کھوکھلا کر کے رکھ دیا ہے، چوہدری نثار۔ فوٹو ایکسپریس

---

FAISALABAD: قائدحزب اختلاف اورمسلم لیگ(ن) کے رہنما چوہدری نثار علی خان نے کہا ہے کہ تحریک انصاف ،مسلم لیگ (ق)اور طاہرالقادری الیکشن ملتوی کرانا چاہتے ہیں، حکمرانوں نے ملک کو کھوکھلا کر کے رکھ دیا ہے۔

اسلام آباد میں پارلیمنٹ ہاؤس کے باہرمیڈیا سے بات کرتے ہوئے چوہدری نثار علی خان نے کہا کہ تحریک انصاف تحریک تضادات بن گئی ہے ان کی کسی بات پر اعتماد نہیں کیا جاسکتا،تحریک انصاف کو چیف الیکشن کمشنر قبول تھا لیکن اب ان لوگوں کو طاہرالقادری کے بیانات پسند آگئے ہیں، انہوں نے کہا کہ تحریک انصاف ملک میں کیا چائے کی پیالی میں بھی سونامی نہیں لاسکتی،

چوہدری نثار علی خان نے کہا کہ طاہرالقادری، عمران خان اور مسلم لیگ (ق) کو پرویزمشرف کا نامزد چیف الیکشن کمشنر، وزیراعظم اور نگران حکومتیں قابل قبول تھیں جس نے پرویز مشرف کی غیر قانونی اور آئینی حکومت کو اتنے سال دیئے جبکہ اب ان کو غیرجانبدار الیکشن کمشنر قبول نہیں۔