چوہدری نثار نواز شریف کے ساتھ تھے ہیں اوررہیں گے سعد رفیق

پاناما کیس اب قانونی انداز سے لڑاجائے گا، سعدرفیق فوٹو: فائل

---

وفاقی وزیرریلوے سعد رفیق کا کہنا ہے کہ چوہدری نثار کی مسلم لیگ ن اورمیاں نوازشریف کے ساتھ 32 سالہ رفاقت ہے جب کہ وہ نواز شریف کے ساتھ تھے، ہیں اور رہیں گے۔

وفاقی وزیرسعد رفیق کا ٹوئٹر پرکہنا ہے کہ وزیر داخلہ چوہدری نثارعلی کی مسلم لیگ (ن) اورمیاں نوازشریف کے ساتھ 32 سالہ رفاقت ہے، وہ نواز شریف کے ساتھ تھے، ہیں اور رہیں گے، چوہدری نثار آزمائش اور مشکل وقت میں پیچھے نہیں ہٹیں گے، انشا اللہ فرنٹ لائن پرہوں گے جس کے بعد مخالفین کی ناپاک خواہشات دھرے رہ جائیں گی۔

چوھدری نثارعلی خان آزمائش اور مشکل میں پیچھے نہیں ھٹیں گے انشا اللّٰہ فرنٹ لائن پر ھونگے- مخالفین کی ناپاک خواھشات دھری رہ جائیں گی

— Khawaja Saad Rafique (@KhSaad_Rafique) July 22, 2017

اس خبرکو بھی پڑھیں: وزیر داخلہ چوہدری نثار کے استعفیٰ دینے کی خبر بے بنیاد ہے، وزارت داخلہ

سعد رفیق کا کہنا تھا کہ مسلم لیگ (ن) میں ایشوز پر اختلاف رائے کا حق اختلاف کرنے اوراختلاف برداشت کرنے والے دونوں کا کریڈٹ ہے اوریہی جمہوریت کی شان ہے، ہمت ہے توعوامی خدمت اورکارکردگی کامقابلہ اورموازنہ کیا جائے اورگالیاں، بیہودگی، جھوٹے الزامات، انتقامی مقدمات اور سازشیں ہمیں روک نہیں سکتیں۔

ھمت ھےتوعوامی خدمت اورکارکردگی کامقابلہ کرو موازنہ کرو! گالیاں
بیہودگی جھوٹےالزامات انتقامی مقدمات اور سازشیں ھمیں روک نہیں سکتیں

— Khawaja Saad Rafique (@KhSaad_Rafique) July 22, 2017

واضح رہے کہ وزیرداخلہ چوہدری نثار پاناما کیس کے حوالے سے وزیراعظم نواز شریف کی زیر صدارت ہونے والے پارٹی کے اہم مشاورتی اجلاسوں میں شریک نہیں ہورہے جب کہ ان کی جانب سے اتوار کی شام 5 بجے اہم پریس کانفرنس کااعلان کیا ہے۔