بعض لوگ پیپلزپارٹی کیخلاف بے بنیاد پروپیگنڈا کر رہے ہیں وزیراعظم

وزیراعظم راجا پرویز اشرف نے کہا ہے کہ چند لوگ پیپلزپارٹی کے خلاف بے بنیاد پروپیگنڈا کر رہے ہیں۔


خیبرپختونخوا کے ضلع بٹ گرام کے علاقے تھاکوٹ میں جلسہ عام سے خطاب کرتے ہوئے وزیراعظم راجا پرویز اشرف نے کہا کہ شہید ذوالفقار علی بھٹو نےعام آدمی کو ووٹ کا حق دلوایا ، انہوں نے کہا کہ جان کی قربانیاں دینے والی پیپلزپارٹی کو مخالفین جمہوریت کا کیا درس دیں گے۔

راجہ پرویز اشرف کا کہنا تھا کہ مخالفین اقتدار میں آ کر بینظیر انکم سپورٹ پروگرام اور ترقیاتی منصوبے بند کرنے کی باتیں کر رہے ہیں ، وزیراعظم کا کہنا تھا کہ ترقیاتی منصوبوں کی راہ میں رکاوٹ بننے والوں سے عوام انتقام لیں گے۔