خیبرایجنسی میں بارودی مواد کا دھماکہ اہلکار شہید

سیکیورٹی فورسز نے دھماکے کے بعد علاقے کو گھیرے میں لے کر سرچ آپریشن شروع کر دیا ہے۔ فوٹو: فائل

---

تحصیل باڑہ کے علاقہ اکاخیل میں بارودی مواد کے دھماکے میں فرنٹیر کانسٹبلری کا سپاہی شہید ہوگیا۔

ایکسپریس نیوز کے مطابق خیبرایجنسی میں تحصیل باڑہ کے علاقہ اکاخیل میں فرنٹیر کانسٹبلری چیک پوسٹ کے قریب بارودی مواد کا دهماکہ ہوا، جس کے نتیجے میں فرنٹیرکانسٹبلری کا ایک سپاہی شہید جب کہ 2 اہلکارزخمی ہوگئے۔

سیکیورٹی فورسزنے دھماکے کے بعد علاقے کو گھیرے میں لے کر سرچ آپریشن شروع کر دیا ہے تاہم کسی بھی گروپ کی جانب سے دھماکے کی ذمہ داری قبول نہیں کی گئی ہے۔