12سے زائد افراد کے قتل میں ملوث ملزم گرفتار

پولیس نے12افراد سے زائد کے قتل میں ملوث ملزم سمیت اسٹریٹ کرائم، ڈکیتی اور دیگر وارداتوں میں ملوث14ملزمان کو گرفتار کرکے اسلحہ، دستی بم، موٹر سائیکل، موبائل فون اور دیگر سامان برآمد کر لیا، تفصیلات کے مطابق ماڑی پور پولیس نے ایک ملزم غلام مصطفیٰ عرف جمیل کو گرفتار کرکے ایک دستی بم ، ایک7ایم ایم رائفل اور ایک ٹی ٹی پستول برآمد کرلی۔


گرفتار ملزم نے ابتدائی تفتیش کے دوران انکشاف کیا کہ اس نے اولڈ سٹی ایریا میں ڈکیتی کے دوران مزاحمت کرنے پر12سے زائد افراد کو قتل کیا ہے جبکہ مسافر بسوں میں بھی لوٹ مار کے دوران متعدد افراد کو فائرنگ کرکے زخمی کیا ہے، ملزم اور اس کے ساتھیوں نے متعدد مال بردار گاڑیاں بھی چھینی ہیں، ملزم لیاری چاکیواڑہ کا رہائشی ہے اور اس کا10رکنی گروہ ہے جس کا وہ سرغنہ ہے۔