بہاول نگر میں مضر صحت لسی پینے سے ایک ہی خاندان کے 10 افراد کی حالت غیر

تین افراد کی حالت تشویشناک بتائی جا رہی ہے۔ فوٹو: فائل

---

بہاول نگر میں مضر صحت لسی پینے سے ایک ہی خاندان کے 10 افراد کی حالت غیر ہو گئی جس میں سے 3 کی حالت تشویشناک بتائی جا رہی ہے۔

ایکسپریس نیوز کے مطابق بہاول نگر میں مضر صحت لسی پینے سے محمد سبحان، اس کی اہلیہ، 6 بچوں، بہو اور داماد کی حالت غیر ہو گئی۔ تمام افراد کو طبی امداد کے لئے فوری طور پر اسپتال منتقل کر دیا گیا جہاں 3 افراد کی حالت تشویشناک بتائی جا رہی ہے۔