صدرزرداری نے پی پی کوکنوئیں میں پھینک دیاہےمشاہداللہ

زرداری ہمارے لیے ہیروکا درجہ رکھتے ہیں،شاہی سید’’ٹودی پوائنٹ‘‘میں گفتگوفوٹو: فائل

---

SWAT: پاکستان مسلم لیگ ن کے رہنما مشاہد اللہ خان نے کہا ہے کہ ہر پولنگ اسٹیشن پر ایک فوجی ہونے کے باوجود میں مطمئن نہیں ہوں کیونکہ ایک پولنگ اسٹیشن پر کئی کئی پولنگ بوتھ ہوتے ہیں اور جو بھی گھپلے ہوتے ہیں وہ پولنگ بوتھ میں ہی ہوتے ہیں اگر فوجی باہر ہواور اندر جومرضی ہوتا رہے تو اس فوجی کی موجودگی کا کیا فائدہ ہوگا۔

ایکسپریس نیوز کے پروگرام ٹودی پوائنٹ میں میزبان شاہ زیب خانزادہ سے گفتگو میں مشاہد اللہ خان نے کہاکہ موجودہ حکومت نے پانچ سال پورے کیے لیکن کراچی میں ہزاروں لوگ مارے گئے ۔آج کل صدرزرداری پرویز الٰہی پر اعتبار کرتے ہیں اور بینظیر بھٹو نے پرویز الٰہی کو قاتل قراردیا تھا ۔صدر زرداری کا کوئی سیاسی کیریئر نہیں ۔بینظیر کے خون پردائو لگا ہے اور پیپلزپارٹی کو کنویں میں پھینک دیاگیاہے۔



پاکستان پیپلزپارٹی کے رہنما مولابخش چانڈیو نے کہاکہ پیپلزپارٹی نے کچھ کیا ہے یا نہیں ،اس بات کا احتساب عوام الیکشن میں خود ہی کرلیںگے۔ اے این پی کے رہنما شاہی سید نے کہاکہ پولیس میں سیاسی مداخلت ختم ہوجائے تو لکھ کردینے کو تیار ہوں کہ کراچی میں امن ہوجائے گا۔آج یہ عالم ہے کہ کراچی میں کسی کا بھائی بھی ہلاک ہوجاتا ہے تو کوئی گواہی نہیں دیتا۔کراچی میں خوف کا عالم ہے جو پتہ نہیں کب ختم ہوگا ۔