بھارت میں ہوتا تولوگ سرکا تاج بنا لیتےخالد سلیم موٹا

ہمیں شرم آتی ہے کہ ہم نے اتنی دیانتداری سے اس شعبے کووقت کیوں دیا، خالد سلیم موٹا۔ فوٹو : فائل

---

سینئر اداکار خالد سلیم موٹا خالد سلیم موٹا نے کہا ہے کہ جتنا وقت میں نے پاکستان شوبز انڈسٹری کو دیا ہے اگر یہ ہی وقت میں ہندوستان فلم انڈسٹری کو دیتا تو وہاں کے عوام اور انڈسٹری سے وابستہ لوگ مجھے اپنے سر کا تاج بنا لیتے۔

نمائندہ ایکسپریس سے خصوصی بات چیت کے دوران انکا کہنا تھا کہ مجھے میرے دوست احباب اور حکومت کی جانب سے قائم فنکاروں کے فلاح و بہبود کے اداروں سے کسی قسم کی مدد تو دور کی بات تسلی بھی نہیں دی گئی ۔

میں نے زندگی کے ایک طویل عرصے کو شوبز انڈسٹری کے نام کیا ہے پاکستان میں فنکاروں ،شاعروں ،ادیبوں،کی کوئی قدر نہیں۔ ہمیں شرم آتی ہے کہ ہم نے اتنی دیانتداری سے اس شعبے کووقت کیوں دیا۔ ایک سوال کے جواب میں خالد سلیم موٹا کا کہنا تھا کہ پاکستانی عوام سے مجھے کوئی شکایت نہیں انھوں نے میرے کام کے مطابق مجھے عزت دی جہاں تک ان کے بھول جانے کا تعلق ہے تو وہ کیسے یاد رکھیں گے۔