پوجاکمار کی پہلی فلم نے باکس آفس پر دھوم مچادی

بالی وڈ اداکارہ پوجاکمار کی پہلی میگابجٹ فلم وشوا پورم نے باکس آفس میں دھوم مچادی ۔


فلمی حلقوں کا کہنا ہے کہ کمل ہاسن کی فلم کامیابی کے نئے ریکارڈ قائم کریگی ۔تامل ناڈو کے سینماگھروں میں ہونیوالے پہلے دن کا بزنس 5کروڑ 81لاکھ سے تجاوز کرگیا ۔فلمی تجزیہ نگاروں کا کہنا ہے کہ ہفتہ کے اختتام تک اس فلم کے بزنس میں اضافہ ہوگاکیونکہ فلم مسلسل رش لے رہی ہے ۔

صرف تامل ناڈو کے 600سے زائد سینماگھروں میں اس کی نمائش کا انتظام کیا گیا ہے ۔فلم میں پوجا کمار نے لیڈنگ لیڈی رول نبھایا ہے جو شائقین نے بے حد پسند کیا ہے ۔واضح رہے کہ اس سے قبل یہ فلم مسلمانوں کی جانب سے کچھ مناظر پر اعتراض آنے کے باعث تنازع کا شکار ہوئی تھی جس پر تامل ناڈو ہائیکورٹ نے اس کی نمائش پر پابندی لگادی تھی تاہم کمل ہاسن کی جانب سے اس فلم کے قابل اعتراض مناظر کاٹ دینے کے بعد اسے نمائش کی اجازت دی گئی ۔فلم 95کروڑ کے بجٹ سے تیار کی گئی ہے ۔جب کہ ہندی میں فلم کی ریلیز کے آغاز پر 11کروڑ کا بزنس رہا ۔