ایک اور منتخب وزیر اعظم کو گھر بھیج دیاگیا مریم نواز

مریم نواز نےکارکنان کو ثابت قدم رہنے کی ہدایت کرتے ہوئے کہا کہ نواشرف واپس آئیں گے؛فوٹوفائل

---

PESHAWAR: نوازشریف کی صاحبزادی مریم نواز نےوزیر اعظم کی نااہلی پر ردعمل ظاہر کرتےہوئے کہا ہے کہ ایک اور منتخب وزیر اعظم کو گھر بھیج دیاگیا۔

سپریم کورٹ نے آج ملکی تاریخ کا سب سے اہم فیصلہ سناتے ہوئے وزیر اعظم نواز شریف کو نااہل قرار دے دیا، جسٹس آصف سعید کھوسہ کی سربراہی میں جسٹس گلزار ،جسٹس اعجاز فضل، جسٹس شیخ عظمت سعیداور جسٹس اعجازالحسن پر مشتمل 5 رکنی بینچ نے آج نواز شریف کو نااہل قرار دیا۔

وزیر اعظم کی نااہلی پر جہاں پی ٹی آئی کارکنان نے خوشیاں منائیں وہیں وزیراعظم کی صاحبزادی مریم نواز نے ٹویٹر پر اپنے ردعمل کا اظہار کرتے ہوئے لکھا ہے کہ ''ایک اور منتخب وزیر اعظم کو گھر بھیج دیا گیا، انہوں نے پاکستان مسلم لیگ کے کارکنان کو ثابت قدم رہنے کی بھی ہدایت کرتے ہوئے کہا کہ وزیراعظم زیادہ بڑی حمایت اور قوت کے ساتھ جلد واپس آئیں گے''۔

Another elected Prime Minister sent home, but only to see him return with greater force & support & soonest Insha'Allah. Stay strong PMLN.

— Maryam Nawaz Sharif (@MaryamNSharif) July 28, 2017

مریم نوازنے پاکستان مسلم لیگ (ن) کے حامیوں کو تسلی دیتے ہوئے کہا کہ ''کیوں غم میں ہیں، یہ پہلی بار نہیں کہ آپ کے لیڈر کو احتساب کا سامنا کرنا پڑرہا ہے، اس طرح کی تمام چیزیں انہیں مزید مضبوط بناتی ہیں۔

Kion ghum main hain? Not the first time your leader had to face ouster & trial. Every such act has made him stronger. History bears witness. https://t.co/aWAG5LnDi1

— Maryam Nawaz Sharif (@MaryamNSharif) July 28, 2017

انہوں نے مزید لکھا باہمت شخص مشکل حالات کا ہنس کر مقابلہ کرتا ہے۔

Real men laugh when taking up the gauntlet :) pic.twitter.com/IP1XeURt30

— Maryam Nawaz Sharif (@MaryamNSharif) July 28, 2017

انہوں نے آج کے فیصلے کو 2018 کے الیکشن میں نوازشریف کی جیت کی وجہ قرار دیتے ہوئے کہا کہ نواز شریف کو کوئی نہیں روک سکتا! روک سکتے ہوتو روک لو۔

Today will pave the way for Nawaz Sharif's resounding victory in 2018. He will be unstoppable. Insha'Allah. Rok sakte ho to rok lo !

— Maryam Nawaz Sharif (@MaryamNSharif) July 28, 2017

واضح رہے کہ جسٹس عظمت سعید اور جسٹس اعجاز الاحسن پر مشتمل 3 رکنی عملدرآمد بینچ کے روبرو جے آئی ٹی نے 10 جولائی کو اپنی رپورٹ پیش کی تھی عدالت نے 5 سماعتوں کے دوران رپورٹ پرفریقین کے اعتراضات سنے اور 21 جولائی کو فیصلہ محفوظ کیا تھا۔