عمران خان نے وزیراعظم کے لئے شیخ رشید کا نام پیش کر دیا

شہباز شریف کو وزیراعظم کیلئے نامزد کر کے نواز شریف جمہوریت کو مذاق بنا رہے ہیں، عمران خان۔ فوٹو: فائل

---

پاکستان تحریک انصاف کے چیرمین عمران خان نے مسلم لیگ (ن) کے امیدوار کے مقابلے میں اپوزیشن کے مشترکہ امیدوار کے طورپر شیخ رشید کا نام دیدیا۔

ایکسپریس نیوز کے مطابق تحریک انصاف کے چیرمین عمران خان نے وزیراعظم کے لیے اپوزیشن کے مشترکہ امیدوار کے طور پر عوامی مسلم لیگ کے سربراہ شیخ رشید کا نام پیش کر دیا ہے ۔ ذرائع کے مطابق عمران خان کا کہنا ہے کہ ہماری کوشش ہے کہ وزیراعظم کیلیے اپوزیشن کا مشترکہ امیدوار سامنے لایا جائے۔

دوسری جانب اپوزیشن کا مشترکہ امیدوار سامنے لانے کے لئے تحریک انصاف کے وائس چیرمین شاہ محمود قریشی نے سیاسی جماعتوں سے رابطے بھی شروع کر دیئے ہیں۔

عمران خان نے سوشل میڈیا پر اپنے ٹویٹ میں کہا کہ کل جب تاریخی جلسے میں عوام اللہ کا شکر ادا کرے گی تو نواز شریف کو اندازہ ہو گا کہ قوم سیاسی طور پر باشعور ہو چکی ہے اور ان کے جھوٹ سے بے وقوف بننے والی نہیں۔

Tomorrow when record crowds come to our jalsa to thank Allah NS will realise nation is politically aware & are not fooled by his lies https://t.co/tNpaqhdTGX

— Imran Khan (@ImranKhanPTI) July 29, 2017

انہوں نے کہا کہ نواز شریف صرف اپنے کرپٹ ساتھیوں پر اعتبار کر سکتے ہیں جیسے کہ شاہد خاقان عباسی جو کہ دو ارب روپے کے ایل این جی اسکینڈل میں ملوث ہیں۔

NS can only trust corrupt companions. Latest is Shahid Khaqan Abbasi involved in $ 2 bn LNG scam pic.twitter.com/UvgSNuAmPM

— Imran Khan (@ImranKhanPTI) July 29, 2017

عمران خان نے مزید کہا کہ نواز شریف اپنے بھائی شہباز شریف کو وزیراعظم نامزد کر کے قوم کے وقار کو مجروح کر رہے ہیں اور جمہوریت کا مذاق اڑا رہے ہیں جب کہ سپریم کورٹ شہباز شریف کے خلاف نیب میں ریفرنس دائر کرنے کا کہہ چکی ہے۔

He is insulting nation's intelligence & making mockery of democracy by nominating his bro for PM ag whom SC has directed reference be filed https://t.co/KdhxsTfNbo

— Imran Khan (@ImranKhanPTI) July 29, 2017

چیرمین تحریک انصاف نے کہا کہ بہت ہی شرم کی بات ہے کہ نواز شریف خود کو مظلوم بنا کر پیش کر رہے ہیں جب کہ عدالت جھوٹ بولنے، جھوٹی گواہی دینے اور جلعسازی پر ان کے خلاف ریفرنس نیب میں بھیجنے کا فیصلہ سنا چکی ہے۔

Shameful how NS playing victim card with multiple references ag him sent to NAB and him being found guilty of lying, forging, perjury etc

— Imran Khan (@ImranKhanPTI) July 29, 2017

واضح رہے کہ مسلم لیگ (ن) عارضی وزیراعظم کے لئے شاہد خاقان عباسی اور پھر مستقل وزیراعظم کے لئے شہباز شریف کے ناموں کا اعلان کر چکی ہے۔