بھارتی فوج کی فائرنگ سے 2 کشمیری نوجوان شہید

دونوں نوجوانوں کو ضلع پلوامہ میں سرچ آپریشن کے دوران بھارتی فوج نے فائرنگ کرکے شہید کیا، کشمیر میڈیا سیل

July 30, 2017

دونوں نوجوانوں کو ضلع پلوامہ میں سرچ آپریشن کے دوران بھارتی فوج نے فائرنگ کرکے شہید کیا، کشمیر میڈیا سیل۔ فوٹو فائل

بھارتی فوج کی ریاستی دہشت گردی کا سلسلہ جاری ہے جس کے نتیجے میں مزید 2 کشمیری نوجوان شہید ہوگئے۔

کشمیری میڈیا سیل کے مطابق ضلع پلوامہ میں بھارتی فوج کے آپریشن کے دوران فائرنگ کے نتیجے میں 2 کشمیری نوجوان شہید ہوگئے، آپریشن کے دوران بھارتی فوج نے علاقے کا محاصرہ کرکے گھر گھر تلاشی بھی لی، شہید نوجوانوں کی شناخت عرفان شیخ اور عابد ماگرے کے نام سے ہوئی ہے۔

اس خبر کو بھی پڑھیں : مقبوضہ کشمیرمیں دوروزکے دوران جعلی مقابلوں میں 7 کشمیری شہید

کشمیری میڈیا سروس کے مطابق نوجوانوں کی شہادت کے بعد علاقے میں انٹرنیٹ سروس معطل کردی گئی ہے، نوجوانوں کی شہادت کی خبر کے بعد مختلف علاقوں میں احتجاج شروع ہوگیا جب کہ بھارتی فوج نے مظاہرین کو منتشر کرنے کے لیے ہوائی فائرنگ اور آنسو گیس کے شیل بھی استعمال کیے۔