باکسر محمد وسیم نے انٹرنیشنل فائٹ جیت لی

محمد وسیم نے مخالف باکسر کو تیسرے راؤنڈ میں ناک آؤٹ کردیا

ویب ڈیسک July 30, 2017

محمد وسیم دو بار ورلڈباکسنگ کاؤنسل کا سلور ٹائٹل جیت چکے ہیں؛فوٹوفائل

پاکستانی باکسر محمد وسیم نے انٹرنیشنل رینکنگ فائٹ میں حریف باکسر ایرون کو شکست دے کر پاکستان کا نام روشن کردیا۔

ایکسپریس نیوز کے مطابق پاناما میں ہونے والی انٹرنیشنل فائٹ میں پاکستان کے عالمی شہرت یافتہ باکسرمحمد وسیم نے مخالف باکسرایوان ٹریجوس کو تیسرے راؤنڈ میں ناک آؤٹ کرکے ورلڈ رینکنگ میں نمبرون پوزیشن حاصل کرلی ہے۔ رواں ماہ 7 جولائی کو انہوں نے الواریز کو ناک آؤٹ کرکے اپنی چھٹی فائٹ جیتی تھی ، وہ اس فائٹ کیلئے پاناما میں گزشتہ ماہ سے تیاریاں کررہے تھے ، فائٹ جیتنے کے بعد انہوں نے میڈیا سے بات کرتے ہوئے اپنے والدین اور کوچ کا شکریہ ادا کیا جن کی بھرپور سپورٹ کے ساتھ وہ یہ فائٹ جیتنے میں کامیاب ہوئے۔

واضح رہے کہ محمد وسیم اس سے قبل دو بار ورلڈ باکسنگ کاؤنسل کا سلور ٹائٹل جیت چکے ہیں۔

انہوں نے اپنے مستقبل کے آئندہ لائحہ عمل کے بارے میں بتاتے ہوئے کہا کہ ان کی اگلی فائٹ کولمبیا میں ہوگی، جس کے بعد ان کا ہدف ڈبلیو بی سی گولڈن ٹائٹل جیتنا ہوگا۔