برطانوی نژاد بھارتی اداکارہ اسکارلیٹ ولسن نے ساتھی اداکار کو تھپڑ دے مارا

واقعہ کے بعد اداکار امکانت رائے کو فلم کے سیٹ سے باہر نکال دیا گیا۔ فوٹو : فائل

---

بھارتی اداکارہ اسکارلیٹ ولسن نے گانے کی شوٹنگ کے دوران بدتمیزی کرنے پر ساتھی اداکار کو تھپڑ ماردیا۔

بھارتی میڈیا کے مطابق برطانوی نژاد ماڈل و اداکارہ اسکارلیٹ ولسن نے گانے کی شوٹنگ کے دوران ساتھی اداکار کو تھپڑ ماردیا، اداکارہ اپنی نئی آنے والی فلم میں آئٹم سانگ کی شوٹنگ میں مصروف تھیں کہ اسی دوران ساتھی اداکار امکانت رائے نے اداکارہ کے ساتھ بدتمیزی کی اور ان کے بالوں کو ہاتھ لگایا جس پر اداکارہ نے تھپڑ ماردیا۔

اس خبر کو بھی پڑھیں : ہدایت کار نے کاجول کی ماں کو تھپڑ رسید کردیا

بھارتی میڈیا کے مطابق واقعہ کے بعد اداکار کو ناصرف فلم کے سیٹ سے باہر نکال دیا گیا بلکہ فلم کی شوٹنگ بھی روک دی گئی جب کہ فلم پروڈیوسرکا کہنا ہے کہ وہ معاملے کو بھارتی فلم فیڈریشن میں بھی لے جائیں گے۔

واضح رہے کہ اسکارلیٹ ولسن بہو بلی سمیت متعدد فلموں میں اداکاری کے جوہر دکھاچکی ہیں جب کہ اداکارہ اپنی آئندہ فلم میں اکشے کمار کے ساتھ نظر آئیں گی۔