بارسلونا کا نیمار کو 26 ملین یورو بونس کی ادائیگی روکنے کا فیصلہ

نیمار کو طے شدہ معاملات کے تحت بدھ کو بارسلونا ٹیم کے ساتھ ٹریننگ میں شامل ہونا ہے ۔ فوٹو: فائل

---

بارسلونا کلب نے نیمار کو 26 ملین یورو بونس کی ادائیگی روکنے کا فیصلہ کرلیا۔

ذرائع کے مطابق حکام کے اس اقدام کا مقصد برازیلین اسٹار کو ورلڈ ریکارڈ 222 ملین یورو کے عوض پی ایس جی جانے سے روکنا ہے، نیمار کو طے شدہ معاملات کے تحت بدھ کو بارسلونا ٹیم کے ساتھ ٹریننگ میں شامل ہونا ہے۔

اس خبر کو بھی پڑھیں :نیمار پر عائد ٹیکس چوری کے الزامات رد

ذرائع نے کہاکہ 26 ملین یورو کی شق بدستور موجود رہے گی لیکن حکام نے اسے پلیئر کے کلب میں موجود رہنے کے فیصلے تک مؤخر کردیا ہے، تجدیدی بونس کی اس رقم پر نیمار نے ایک برس قبل اتفاق کیا تھا جب انہوں نے بارسلونا سے اپنے معاہدے کو 2021 تک توسیع دی تھی۔