افریقہ کپ مالی نے گھانا کو پچھاڑ کر کانسی کا تمغہ جیت لیا

مالی نے بارش سے متاثرہ مقابلے میں گھانا کو ایک گول کے مقابلے میں تین گول سے پچھاڑ دیا۔ فوٹو : اے ایف پی

---

افریقہ کپ آف نیشنز میں کانسی کے تمغے کیلیے جنگ اس وقت ختم ہوگئی جب مالی نے بارش سے متاثرہ مقابلے میں گھانا کو ایک گول کے مقابلے میں تین گول سے پچھاڑ دیا۔

میچ کا نتیجہ یکطرفہ دکھائی دے رہا تھا کہ گھانا کے کواڈوو اساموا نے دوسرے ہاف کے اختتام سے کچھ دیر قبل گیند کو جال میں پھینک کر میچ کو دلچسپ بنادیا لیکن مالی کے متبادل کھلاڑی سیگامارے ڈیارا نے اختتامی لمحات میں گول کرکے میچ کے نتیجے کو تمام اندیشوں سے باہر نکال دیا۔ ٹورنامنٹ میں یہ دونوں ٹیموں کا دوسرا مقابلہ تھا، اس سے قبل منی لیگ کے پہلے مرحلے کے ٹورنامنٹ میں گھانا بلیک اسٹارز نے مالی ایگلز کو شکست سے دوچار کیا تھا تاہم کانسی کے تمغے کے حصول کے لیے انھیں مالی سے مات ہوگئی ۔

ایک مرتبہ پھر کم تعداد میں موجود تماشائیوںکے سامنے سامسا نے میچ کے 21ویں منٹ میں ہیڈرر پر اس وقت گول کیا جب فتاوا داؤدا کے ایک کراس کو مڈفیلڈر اداما تمبورا نے انھیں پاس دیا ۔ امیدوں سے بھرپور مالی کے کپتان نے دوسرے ہاف کے تین منٹ میں اس وقت گیند کو گول پوسٹ میں پھینکا جب اوسمانے کولیبالے کیا ایک کراس پر اس نے جھپٹا مارکر گول کے انتہائی نزدیک سے ٹورنامنٹ کے لیے اپنا تیسرا گول بنایا۔ گولڈن بوٹ ٹرافی کی جستجو میں ٹورنامنٹ کے مشترکہ کھلاڑی نائیجیریا کے ایمانوئیل ایمینائک کے ہمسر مبارک واکاسو نے اس وقت ایک خوبصورت موقع ضائع کیا جب وہ جلد بازی میں پنالٹی سے فائدہ نہ اٹھا سکے۔

لیکن گھانا نے اس وقت میچ میں واپسی کی بھرپورکوشش کی جب اساموا نے باکس کے باہر سے ایسا شوٹ لگایا جو حیران کن طورپر گول کیپر سومیلا داکیت بھی نہ روک سکے۔ مالی کے ڈیارا نے اختتامی لمحات میں مڈ فیلڈ سے آنے والے ایک پاس کو کئی ڈیفینڈرز سے بچاتے ہوئے داؤدا کو چکمہ دے کر گیند کو گول میں پھینک دیا۔ یہ گھانا کی افریقہ کپ آف نیشنز ٹورنامنٹس کے تیسری پوزیشن کے چوتھے میچ میں تیسری شکست ہے ۔