قومی کرکٹ ٹیم جنوری میں نیوزی لینڈ کا دورہ کرےگی شیڈول جاری

قومی کرکٹ ٹیم دورہ نیو زی لینڈ میں 5 ون ڈے اور 3 ٹی ٹوئنٹی میچز کھیلے گی۔ فوٹو : فائل

---

پاکستان کرکٹ ٹیم کے دورہ نیوزی لینڈ کا شیڈول جاری کر دیا گیا جس میں 5 ون ڈے اور 3 ٹی ٹوئنٹی میچز شامل ہیں۔

پاکستان کرکٹ ٹیم کے دورہ نیوزی لینڈ کا شیڈول جاری کر دیا گیا، گرین شرٹس میزبان ٹیم کے خلاف 5 ون ڈے اور 3 ٹی ٹوئنٹی میچز کھیلنے کیلیے جنوری میں کیویز کے دیس جائے گی۔ نیوزی لینڈ کرکٹ بورڈ نے ٹیم کے ہوم سیزن 2017-18 کا شیڈول کے مطابق پاکستان اور نیوزی لینڈ کے درمیان ون ڈے اور ٹی ٹوئنٹی سیریز 6 جنوری سے 28 جنوری تک کھیلی جائیں گی۔

اس خبر کو بھی پڑھیں : اداکار عدنان صدیقی کا قومی کرکٹ ٹیم کو انوکھا خراجِ تحسین

پہلا ون ڈے 6 جنوری کو ویلنگٹن، دوسرا 9 جنوری کو نیلسن، تیسرا 13 جنوری کو ڈونیڈن، چوتھا 16 جنوری کو ہیملٹن جبکہ پانچواں ون ڈے میچ ویلنگٹن میں 19 جنوری کو کھیلا جائے گا۔ 3 ٹی ٹوئنٹی پر مشتمل سیریز کا آغاز 22 جنوری سے ویلنگٹن میں ہو گا، 25 جنوری کو آکلینڈ اور 28 جنوری کو تورنگا میں کھیلے جائیں گے۔ نیوزی لینڈ کرکٹ بورڈ نے دسمبر میں دورہ کرنےوالی ویسٹ انڈیز ٹیم کے ساتھ ٹیسٹ میچز کی تعداد کم کر دی ہے، اب 3 کی بجائے 2 میچز کھیلے جائیں گے۔

اس خبر کو بھی پڑھیں : قومی کرکٹ ٹیم کی مشکل مہم کا آغاز

دوسری جانب کیوی کرکٹ بورڈ کے چیف ایگزیکٹو ڈیوڈ وائٹ نے کہا کہ آئی سی سی ٹیسٹ چیمپئن شپ کے قوانین کے مطابق ہر سال کم از کم 2 ہوم یا اوے ٹیسٹ سیریز کھیلیں گے کیونکہ ٹیسٹ چیمپئن شپ کیلیے صرف 2 میچز ہی شمار کیے جائیں گے۔