پنجاب میں امن و امان کی صورتحال انتہائی خراب ہے احمد محمود

آئی جی سے شوکت بسرا پر تشدد کی رپورٹ طلب، ایئرپورٹ پر پرویز الٰہی سے ملاقات۔ فوٹو : فائل

---

گورنر پنجاب مخدوم احمد محمود نے کہا ہے کہ پیپلز پارٹی بے لو ث عوامی خدمت کے سفر کو بلا تفریق جا ری رکھے گی۔

تمام سیاسی فیصلے پنجاب کے عوام کے وسیع تر مفاد میں کیے جا ئیں گے۔ ڈھلے والی ہیڈ مرالہ میں علا قہ بجوات کے 35دیہا ت کو سو ئی گیس کی فرا ہمی کے افتتا ح کے بعد جلسے سے خطاب کرتے ہوئے انھوں نے لوگوں پر زور دیا کہ وہ آئندہ عام انتخابات میں فردوس عاشق اعوان کو بھاری اکثریت سے کامیاب کرائیں۔ انھوں نے کہا پیپلز پارٹی بے لوث عوامی خدمت پر یقین رکھتی ہے اور تمام اتحادیوں کو ساتھ لیکر چل رہی ہے۔



اسپیکر قومی اسمبلی فیصل کریم کنڈی نے کہا کہ صوبہ خیبر پختواہ میں آئندہ حکومت پیپلز پارٹی کی ہو گی۔ وفاقی وزیر فردوس عاشق اعوان نے کہا کہ بجوات میںپیپلز پارٹی کی مقبولیت سے مخالفین کی نیندیں حرام ہو چکی ہیں۔ گورنر نے مختلف وفود سے ملاقاتیں بھی کیں۔ علاوہ ازیں گورنر پنجاب اور نائب وزیراعظم چوہدری پرویز الٰہی میں لاہور ائیرپورٹ پر ملاقات ہوئی، پرویز الٰہی سمبڑیال اور گورنر سیالکوٹ میں جلسے سے خطاب کرنے کے بعد لاہور پہنچے اور ان کے ہیلی کاپٹر ایک ساتھ لاہور ائیرپورٹ اترے تھے۔