ٹوبہ ٹیک سنگھ میں یوم آزادی پر دہشتگردی کا بڑا منصوبہ ناکام بنا دیا گیا

دونوں دہشت گردوں کا تعلق ٹی ٹی پی سے ہے، سی ٹی ڈی۔ فوٹو: فائل

---

کاؤنٹر ٹیرر ازم نے ڈبانوالہ ریلوے اسٹیشن پر دہشتگردی کا بڑا منصوبہ ناکام بناتے ہوئے 2 دہشتگردوں کو گرفتار کر لیا۔

سی ٹی ڈی نے ٹوبہ ٹیک سنگھ میں ڈبانوالہ ریلوے اسٹیشن پر کارروائی کرتے ہوئے 2 دہشتگردوں کو گرفتار کر کے ان کے قبضے سے بارود سے بھرے تھیلے، ڈیٹونیٹرز اور سیفٹی فیوز برآمد کر لئے۔

ذرائع کے مطابق گرفتار دہشت گرد عبدالمجید اٹھارہ ہزاری جب کہ ارشاد کا تعلق رحیم یار خان سے ہے اور ان دونوں دہشت گردوں کا تعلق کالعدم ٹی ٹی پی سے ہے جب کہ انہوں نے 14 اگست پر دہشت گردی کا منصوبہ بنایا ہوا تھا۔