سرفرازاحمد کی کاؤنٹی ڈیبیو میچ میں شاندار کارکردگی

سرفرازاحمد نیٹ ویسٹ بلاسٹ میں یارکشائر کی جانب سے مزید 4 میچز کھیلیں گے۔ فوٹو: سوشل میڈیا

---

NOWSHEHRA: چیمپئنز ٹرافی کی فاتح قومی کرکٹ ٹیم کے کپتان سرفراز احمد نے کاؤنٹی ڈیبیو کو شاندار کارکردگی سے یادگار بنا لیا۔

سرفراز احمد نے یارکشائرکی جانب سے31 گیندوں پر 3 چھکوں اور 2 چوکوں کی مدد سے 42 رنز بنائے تاہم ان کی ٹیم کو ڈربی شائر کے ہاتھوں شکست سے نہ بچا سکے۔ نیٹ ویسٹ ٹی 20 بلاسٹ میں یارکشائر نے پہلے بیٹنگ کرتے ہوئے سرفراز کی شاندار اننگز کی بدولت 5 وکٹ کے نقصان پر 180 رنز کا مجموعہ حاصل کیا۔

اس خبر کو بھی پڑھیں : سرفراز برطانوی شائقین کی بھی آنکھ کا تارا بن گئے

ڈربی شائر نے اوپنر بلی گوڈل مین (67)اور بعد ازاں وین میڈسن (47)کی دھواں دھار بیٹنگ کی بدولت ہدف آخری اوورمیں 5 وکٹوں کے نقصان پر حاصل کر لیا، سرفرازاحمد نیٹ ویسٹ بلاسٹ میں یارکشائر کی جانب سے مزید 4 میچز کھیلیں گے۔