پرویز مشرف آئین شکن اور عوام دشمن تھے خواجہ سعد رفیق

منتخب حکمرانوں کی کارکردگی ان کی خامیوں پر حاوی رہی سو وہ یاد رکھےگئے،خواجہ سعد رفیق؛ فائل فوٹو

---

DI KHAN: وزیر ریلوے خواجہ سعد رفیق نے کہا ہے کہ پرویز مشرف کی آمرانہ پالیسیوں نے پاکستان کی بنیادیں ہلادیں۔

وفاقی وزیر برائے ریلوے خواجہ سعد رفیق نے سابق صدر پرویز مشرف کی پالیسیوں پر تنقید کرتے ہوئے کہا ہے کہ پرویز مشرف آئین شکن اور اور عوام دشمن تھے، ان کی آمرانہ پالیسیوں نے پاکستان کی بنیادیں ہلاڈالیں۔

پرویز مشرف آئین شکن اور عوام دشمن تھے- انُ کی آمرانہ پالیسیوں نے پاکستان کی بنیادیں ھِلا ڈالیں-

— Khawaja Saad Rafique (@KhSaad_Rafique) August 5, 2017

انہوں نے کہا پاکستان میں جمہوریت کو گزند پہنچانے والے ڈکٹیٹر تاریخ کے کوڑا دان کی نظر ہوگئے ،انہیں اور ان کی عوام دشمن پالیسیوں نے سوائے ملک کو نقصان پہنچانے کے کچھ نہیں کیا آج انہیں کوئی یاد نہیں کرتا، یہاں تک کہ ان کی قبروں پر رونے والابھی کوئی نہیں، جب کہ عوام کے منتخب کردہ حکمران اپنی کاکردگی کے باعث اپنی خامیوں سمیت آج بھی عوام کے دلوں میں زندہ ہیں۔

ڈکٹیٹر تاریخ کے کوڑا دان کی نذر ھو گئے- ان کی قبر پر رونے والا کوٸ نہیں-منتخب حکمرانوں کی کارکردگی انکی خامیوں پر حاوی رھی سو وہ یاد رکھےگئے

— Khawaja Saad Rafique (@KhSaad_Rafique) August 5, 2017

انہوں نے مزید کہا ڈکٹیٹر ملک میں جعلی ترقی اور مصنوعی تبدیلی لاتے ہیں جن کا عوام کو کوئی فائدہ نہیں پہنچتا اور اپنے اقتدار کی مدت بڑھانے کیلئے قومی خود مختاری پر سمجھوتہ کرتے ہیں۔

ڈکٹیٹر جعلی ترقی اور مصنوعی تبدیلیُ لاتے ھیں- اپنے ناجائز اقتدار کو دوام دینے کیلئے قومی خود مختاری پر سمجھوتے کرتےھیں۔

— Khawaja Saad Rafique (@KhSaad_Rafique) August 5, 2017

انہوں نے پرویز مشرف پر براہ راست تنقید کرتے ہوئے کہا پاکستانی ڈکٹیٹر قوم کو مکے دکھاتے ہیں اور اپنے بیرونی آقاؤں کے تلوے چاٹتے ہیں ، مشرف اپنی خراب پالیسیوں کے باوجود بچ کر نکل گئے مگر تاریخ کی عدالت میں ایک دن ان کا احتساب ضرور ہوگا وہ قومی مجرم کے لقب سے کبھی بچ نہیں سکتے۔

پاکستانی ڈکٹیٹرقوم کو مُکےدکھاتےاوراغیار کےتلوے چاٹتےھیں-مشرف بچاکرنکال دئے گئےمگرتاریخ کی عدالت میں غاصب اورقومی مجرم کےلقب سے نہیں بچ سکتے

— Khawaja Saad Rafique (@KhSaad_Rafique) August 5, 2017

اس خبرکوبھی پڑھیں: فوج ملک کو پٹری پرلاتی ہے سویلین حکومت اتاردیتی ہے، پرویزمشرف

واضح رہے کہ چند روز قبل سابق صدر پرویز مشرف نے برطانوی ادارے کو انٹرویو دیتے ہوئے کہا تھا پاکستان میں فوج ملک کو پٹری پر لاتی ہے اور سویلین آکر پھر اسے پٹری سے اتار دیتے ہیں ، ایشیا کےتمام ممالک کو دیکھا جائے تو وہاں بھی صرف ڈکٹیٹروں کی وجہ سے ترقی ہوئی ہےجبکہ سویلینز نےصرف ملک کا بیڑہ غرق کیاہے۔