عمران خان کا وزیراعظم سے عائشہ احد کے الزامات پر بھی کمیٹی بنانے کا مطالبہ

مسلم لیگ (ن) عائشہ گلالئی کو پیسے دے کرمیرے خلاف استعمال کر رہی ہے، عمران خان۔ فوٹو: فائل

---

KABUL: چیرمین تحریک انصاف عمران خان نے حمزہ شہباز کے خلاف عائشہ احد کے سنگین الزامات پر نئے وزیراعظم سے سوال پوچھا کہ کیا عائشہ احد کے معاملے پر پارلیمانی کمیٹی بنائیں گے یا شریفوں کے درباری ہی رہیں گے؟

عائشہ احد کے معاملے پرپاکستان تحریک انصاف کے چیرمین عمران خان بھی میدان میں آگئے اور سماجی رابطے کی ویب سائٹ پر ٹوئٹ کیا کہ نئے وزیراعظم کے لیے پہلا امتحان ہے، کیا وزیراعظم حمزہ شہباز کے خلاف عائشہ احد کے سنگین الزامات کی تحقیقات کیلیے پارلیمانی کمیٹی بنائیں گے۔

First test for new PM: Will he set up Parl Comm to investigate serious allegations levelled by Ayesha Ahad ag PMLN MNA Hamza Sharif?

— Imran Khan (@ImranKhanPTI) August 5, 2017

ایک اور ٹوئٹ میں عمران خان کا کہنا تھا کہ نئے وزیراعظم ان الزامات پر پارلیمانی کمیٹی تشکیل دیں گے یا عائشہ احد کے الزامات، پنجاب پولیس کے تشدد اور حمزہ شہباز کے دھوکے کو نظرانداز کر کے شریفوں کے درباری ہی رہیں گے۔

Or will he remain a darbari of the Sharifs & ignore allegations by Ayesha Ahad incl torture by Punjab police & deception by Hamzah Sharif? https://t.co/He4PCsO7jz

— Imran Khan (@ImranKhanPTI) August 5, 2017

پی ٹی آئی چیرمین نے خواتین کے حقوق کے لیے کام کرنے والوں کو مخاطب کرتے ہوئے کہا کہ انہیں انصاف کے حصول کے لیے عائشہ احد کا ساتھ دینا چاہیئے۔

Women rights activists should stand by Ayesha Ahad's quest for justice denied to her for 7 yrs ag physical + mental abuse by Hamza Sharif

— Imran Khan (@ImranKhanPTI) August 5, 2017

دوسری جانب عمران خان نے عائشہ گلالئی کوغیرمناسب پیغام بھیجنے کے الزام کو مسترد کرتے ہوئے کہا کہ مسلم لیگ (ن) عائشہ گلالئی کو پیسے دے کرمیرے خلاف استعمال کر رہی ہے جب کہ نوازشریف اپنی سیاسی زندگی کی آخری سانس لے رہے ہیں۔

واضح رہے عائشہ احد نے حمزہ شہباز کی بیوی ہونے کا دعویٰ کرتے ہوئے نوازشریف سے انصاف کا مطالبہ کیا ہے۔