میانمار میں روہنگیا مسلمانوں کیخلاف ایک بار پھر کارروائی شروع

میانمار کی حکومت کو ہمسایہ مسلم اکثریتی ملکوں کیساتھ مل کرمہاجرین کے بحران کا حل نکالنا چاہیے، او آئی سی۔ فوٹو: فائل

---

میانمار کی فوج نے ایک بار پھر روہنگیا مسلمانوں کیخلاف بھرپور کارروائی شروع کردی ہے۔

عالمی میڈیا کے مطابق ریاست رکھائین میں یہ کارروائی 6 بدھسٹوں کی ہلاکت کے بعد کی گئی ہے، انھوں نے متعدد مسلمانوں کو گرفتار کیاہے، بتایا جاتا ہے کہ مشتعل دیہاتیوں نے 2 درجن سے زیادہ افسروں کا گھیراؤ کرلیا، پولیس نے بھی ان کا مقابلہ کیا اور 40سے 50 تک انتباہی گولیاں چلائیں جبکہ ہجوم نے ان پر غلیل، لاٹھیوں اور چاقوؤں سے حملہ کیا۔

دوسری جانب اسلامی تعاون تنظیم نے میانمار کی حکومت سے مطالبہ کیا ہے کہ وہ روہنگیا مسلمان اقلیت کے حقوق کا تحفظ کرے، بیان میں او آئی سی کا کہنا تھا کہ میانمار کی حکومت کو ہمسایہ مسلم اکثریتی ملکوں کیساتھ مل کرمہاجرین کے بحران کا حل نکالنا چاہیے۔