جنون کی حد تک کام سے لگائو رکھنے والے ہمیشہ کامیاب ہوتے ہیںندیم

فلم انڈسٹری میں شہرت کی بلندی تک پہنچنے والے ملک کے نامور ادکار ندیم نے کہا کہ کوئی بھی کام کرنے میں اگر سچی لگن اور محنت شامل ہو تو اسے ضرور کامیابی ملتی ہے۔

اپنے فنی کرئیر کے آغاز پر اس بات کا عہد کیا تھا کہ ایک دن ضرور کامیابی حاصل کروں گا، فلم انڈسٹری میں جس دور انہوں نے قدم رکھا اس وقت بہت اچھے اور نامور فنکار کام کررہے تھے،ان کے درمیان اپنے آپ کو منوانا ایک چیلنج تھا میری خوش قسمتی تھی کہ پہلی ہی فلم سے مجھے شہرت ملی اور پھر وہ دور بھی آیا جب میرے پاس فرصت نہیں تھی لیکن سچی لگن اور محنت نے مجھے آگے بڑھنے میں بہت مدد دی، اپنے فنی کیرئیر میں ہمیشہ اچھا کام کرنے کی کوشش کی ایسے کرداروں کا انتخاب کیا جو مجھے عوام مین پسنددیگی دلاسکیں۔


انھوں نے یہ بات ایک انٹرویو میں کہی ،انھوں نے کہا آج کا نوجوان بہت خوش نصیب ہے کہ اسے بے شمار سہولتیں ملی ہوئی ہیں ان کے سامنے کوئی بڑا چیلنج نہیں ہے ٹیلی ویژن پر کام کرنے کے لیے ان کے پاس چوائس موجود ہے یہی وجہ کہ فنکاروں کو آگے بڑھنے کے مواقع مل رہے ہیں اچھا کام جب بھی ہوگا اسے ضرور پزیرائی ملے گی۔