آواز میں نکھار اور روانی قوالی سے ہے راحت فتح علی

نامور گائیک راحت فتح علی خان نے کہا ہے کہ میری آواز میں نکھار اور روانی قوالی کی وجہ سے ہے' بچپن سے ہی موسیقی کا شوق تھا اور دل کی مراد پوری ہو گئی ۔


ایک انٹر ویو میں راحت فتح علی نے کہا کہ میں نے موسیقی کی تربیت اپنے تایا نصرت فتح علی خان سے حاصل کی اور انھوں نے مجھے اپنے بیٹے کی طرح کلاسیکی موسیقی اور قوالی کا فن سکھایا ۔

میں جب اپنا تایا کو آٹھ سے دس گھنٹے ریاض کرتے دیکھتا تو اچھا لگتا تھا لیکن دل میں گھبراہٹ بھی ہوتی تھی کہ اگر ایسا کرنا پڑ گیا تو کیا ہوگا ۔انھوں نے کہا کہ میرے استاد نصرت فتح علی خان نے اپنی زندگی میں ہی اعلان کر دیا تھاکہ میں موسیقی میں ان کا جانشین ہوں ۔