امریکی فوج شمالی کوریا سے نمٹنے کیلئے بالکل تیار ہے ڈونلڈ ٹرمپ

شمالی کوریا نے امریکی جزیرے گوآم پر حملے کی دھمکی دے رکھی ہے۔ فوٹو: فائل

---

امریکی صدر ڈونلڈ ٹرمپ نے ایک بار پھر شمالی کوریا کو خبردار کیا ہے کہ کوئی غیر دانشمندانہ اقدام نہ اٹھایا جائے کیونکہ امریکی فوج اس مسئلے سے نمٹنے کیلئے بالکل تیار ہے۔

ڈونلڈ ٹرمپ نے سماجی رابطے کی ویب سائٹ پر ایک ٹویٹ میں کہا کہ شمالی کوریا کے مسئلے کا عسکری حل اب بالکل موجود ہے اور اسلحے کی تنصیب کر کے اسے حملے کے لئے تیار کر دیا گیا ہے، کیا ایسی صورت حال میں شمالی کوریا کو غیر دانشمندی کا مظاہرہ کرنا چاہیئے۔ امید ہے کم جونگ ان کوئی اور راستہ اختیار کریں گے۔

Military solutions are now fully in place,locked and loaded,should North Korea act unwisely. Hopefully Kim Jong Un will find another path!

— Donald J. Trump (@realDonaldTrump) August 11, 2017

اس خبر کو بھی پڑھیں: چین کا امریکا کو شمالی کوریا پر حملے میں پہل سے روکنے کا فیصلہ

ڈونلڈ ٹرمپ کا بیان ایسے وقت میں سامنے آیا ہے جب کہ گزشتہ روز شمالی کوریا کی سرکاری نیوز ایجنسی کی جانب سے ایک بیان جاری کیا گیا جس میں کہا گیا کہ امریکی جزیرے گوآم میں میزائل حملے کی منصوبہ بندی 15 اگست تک تیار ہو جائے گی۔

#USAF B-1B Lancer #bombers on Guam stand ready to fulfill USFK’s #FightTonight mission if called upon to do so https://t.co/O3oVeFrNrG pic.twitter.com/IAm2qLwcWY

— U.S. Indo-Pacific Command (@INDOPACOM) August 11, 2017

قبل ازیں ڈونلڈ ٹرمپ نے امریکی پیسفیک کمانڈ کی ایک پوسٹ کو ری ٹویٹ کیا جس میں کہا گیا تھا کہ امریکی فضائیہ کا بی ون بی جنگی طیارہ گوآم جزیرے پر امریکی فورسز کوریا مشن پر عمل درآمد کے لئے بالکل تیار ہے۔

اس خبر کو بھی پڑھیں: امریکا پر میزائل حملے کا منصوبہ 15 اگست تک تیار ہوجائے گا

واضح رہے کہ شمالی کوریا کی جانب سے بین الاقوامی پابندیوں کے باوجود پے درپے میزائل تجربات کے معاملے پر امریکا اور شمالی کوریا کے درمیان اختلافات شدت اختیار کر چکے ہیں اور شمالی کوریا کے رہنما کم جونگ ان نے اس جنگی صورت کا ذمہ دار ڈونلڈ ٹرمپ کو ٹھہرایا ہے۔