کراچی میں فائرنگ کے واقعات کے دوران مزید 8افراد ہلاک

کلفٹن میں محنت کش،نارتھ ناظم آبادمیں ٹھیکیدار،اورنگی میں 2ہلاک،ایف آئی اے کے سب انسپکٹراوراس کی اہلیہ سمیت6افرادزخمی۔ فوٹو: فائل

---

شہر کے مختلف علاقوں میں فائرنگ کے واقعات میں8افراد ہلاک اورایف آئی اے کے سب انسپکٹراوراس کی اہلیہ سمیت6زخمی ہوگئے۔

تفصیلات کے مطابق گلبہارنمبرایک پیتل والی گلی میں موٹرسائیکل سوار ملزمان کی سینیٹری کی دکانوں پرفائرنگ سے55 نیاز الدین ہلاک ہو گیاجبکہ اس کا بھانجا26سالہ واجداحمد،30سالہ ادریس ،ہاتم علی اورنظام الدین زخمی ہو گئے۔ادریس اسپتال میں دوران علاج زخموں کی تاب نہ لاتے ہوئے چل بسا،ہلاک ہونے والانیازالدین کورنگی نمبر2علی پبلک اسکول کے قریب کا رہائشی تھاجبکہ اس کے4بیٹے اورایک بیٹی ہے ،مقتول کی کلفٹن بلاک2میں سنیٹری کے سامان کی دکان ہے،واقعے کے وقت مقتول اپنے بھانجے کے ساتھ اپنی دکان کیلیے سنیٹری کا سامان خریدنے آیاتھا۔

ہلاک ہونے والاادریس نارتھ ناظم آبادکے علاقے حیدری کارہائشی تھا،ڈی آئی جی ویسٹ جاویدعالم اوڈھونے قتل وغارت گری روکنے میں ناکامی پرایس ایچ اورضویہ راشد حسین کو معطل کر دیا۔کورنگی چکراگوٹھ ناصرجمپ کے قریب نامعلوم موٹرسائیکل سوار ملزمان کی فائرنگ سے34 سالہ عظمت اﷲ ہلاک ہو گیا، مقتول کورنگی نمبرایک بدرٹاؤن کارہائشی تھا۔اورنگی ٹاؤن سیکٹر 10فریدکالونی میں18سالہ اسحاق خان کوفائرنگ کرکے ہلاک کردیاگیا،مقتول محنت کش اورغیرشادی شدہ تھاجبکہ6 بھائیوںمیں پانچویں نمبرپرتھا،مقتول کاآبائی تعلق کوئٹہ سے ہے ۔



کلفٹن بلاک4رشین قونصلیٹ کے عقب میں نامعلوم موٹرسائیکل سوارملزمان کی فائرنگ سے ٹویوٹاکرولا کارنمبر AYM-404 میں سوار32 سالہ عیسیٰ خان بلوچ ہلاک ہوگیا، مقتول بلوچستان کے علاقے تربت کا رہائشی اور کار ڈیلر تھا جبکہ وہ اپنی خالہ کے گھرلیاری کے علاقے چاکیواڑہ گل محمد لائن مکان نمبر AK/3-28 میں آیا ہوا تھا۔بلوچ کالونی فلائی اوور کے قریب نامعلوم موٹرسائیکل سوار ملزمان کی کارپرفائرنگ سے45سالہ سیدغلام رضا اوراس کی اہلیہ30سالہ فاخرہ زخمی ہو گئیں ۔سید غلام رضا ایف آئی اے میں سب انسپکٹرہے اور قائد اعظم انٹر نیشنل ایئرپورٹ پرتعینات ہے جبکہ گھرکے قریب اس کی اسٹیٹ ایجنسی بھی ہے۔

نشتر روڈزینت اسکوائر شادی ہال کے قریب نامعلوم افرادکی فائرنگ سے45 سالہ سیدسہیل نقوی،شیریں جناح کالونی روبی پلازہ میں آئل ڈپوپرفائرنگ سے ڈپو کا مالک35 سالہ طلحہ محمد،مچھرکالونی میں 21 سالہ حاجی رحمن،اورنگی ٹاؤن سیکٹر10میں فائرنگ سے 55 سالہ سیف الحسن زخمی ہوگیا۔رات گئے ملنے والی اطلاعات کے مطابق نارتھ ناظم آباد بلاک J تقی سینٹرکے قریب سیاہ رنگ کی ٹویوٹا کرولا کار نمبر AAR-072 پرفائرنگ سے کار سوار 35سالہ جہانگیرخان ہلاک کردیا،مقتول نارتھ ناظم آباد بلاک Qکارہائشی اورتعمیرات کاکام کرتاتھا،اس کاآبائی تعلق بلوچستان کے علاقے ژوب سے تھا۔

اورنگی ٹاؤن مجاہدکالونی مین مارکیٹ کے قریب مدینہ مسجد سے عشاکی نماز پڑھ کر جانیوالے 45 سالہ جمعہ دین محسودکوفائرنگ کر کے ہلاک کر دیا گیا،مقتول اورنگی ٹاؤن میں الیکٹرونکس مارکیٹ کی ایسوسی ایشن کا عہدیداراور الیکٹرانکس پارٹس کا کاروبار کرتاتھا،مقتول کو بھتہ خوروںکی جانب سے 50 لاکھ روپے بھتے کی پرچی ملی تھی،مقتول جمعہ دین محسودکاآبائی تعلق وزیرستان سے بتایا جاتا ہے جبکہ وہ اورنگی ٹاؤن کا رہائشی اور 3 بچوں کا باپ تھا۔ کھارادر کے علاقے پولیس چوکی شکیل برگر کی دکان کے قریب نامعلوم ملزمان کی فائرنگ سے 27 سالہ نامعلوم شخص ہلاک ہو گیا جسکی لاش رات گئے ضابطے کی کارروائی کیلیے سول اسپتال لائی گئی، گھاس منڈی کے قریب فائرنگ سے 2 افراد 30 سالہ کاشف ولد جبار اور 25 سالہ جنید ولد شبیر حسین زخمی ہوگئے، زخمی ہونیوالا کاشف متحدہ قومی موومنٹ کا کارکن بتایا جاتا ہے۔