سوئس حکام کے جواب میں آرٹیکل 248 کا ذکرنہیں نائیک

وزیر قانون فاروق ایچ نائیک نے کہا ہے کہ سوئس حکام نے صدرآصف زرداری کے خلاف مقدمات نہ کھولنے کا فیصلہ اپنے قانون کے تحت کیا ہے۔

سوئس حکام کا خط پاکستان کو سرکاری طور پر ابھی نہیں ملا۔دہری شہریت رکھنے پر طاہر القادری پارلیمنٹ کا حصہ نہیں بن سکتے لیکن آئین انہیں ووٹ کے حق سے محروم نہیں کرتا۔ منگل کو ایک ٹی وی انٹرویو میں وفاقی وزیر نے کہاکہ سوئس اٹارنی جنرل نے کہا ہے کہ کیسزختم ہو چکے ہیں، اب نہیں کھولے جاسکتے۔




انھوں نے وضاحت کرتے ہوئے کہا کہ سوئس حکام کے جواب میں آرٹیکل248 کاکوئی ذکرنہیں۔ انھوں نے کہاکہ سیٹیزن شپ کے آرٹیکل 14 کیتحت پاکستان نے 16 ممالک کی دہری شہریت رکھنے کی اجازت دی ہوئی ہے۔ اسکے پیش نظر یہ کہا جاسکتا ہے کہ اگر طاہر القادری سمجھتے ہیں کہ ان کا کوئی بنیادی حق متاثرہوا ہے تو وہ اسکے خلاف پٹیشن دائرکرسکتے ہیں۔