میٹرو بسوں میں ہلڑبازی روکنے کے لئے پولیس اہلکار تعینات

میٹرو بسوں میں مفت سروس کے باعث بے پناہ رش کی وجہ سے ہنگامہ آرائی اور ہلڑبازی سمیت مختلف ناخوشگوار واقعات بھی پیش آرہے ہیں۔ فوٹو: اے ایف پی

---

KARACHI: میٹرو بس میں سفر کے دوران نظم وضبط برقرار رکھنے کے لئے ہر بس میں ایک پولیس اہلکار تعینات کردیا گیا ہے۔

لاہور کی عوام کی طرف سےجدید میٹرو بس سروس کو تفریح کے طور پر استعمال کرنے کا سلسلہ جاری ہے، آج بھی میٹروبسز میں لوگوں کا رش برقرار رہا جبکہ میٹرو بسوں میں بےپناہ رش کے باعث ہنگامہ آرائی اور ہلڑبازی سمیت مختلف ناخوشگوار واقعات بھی پیش آرہے ہیں، اسی صورتحال کے پیش نظر میٹرو بسوں میں سفر کے دوران نظم ونسق برقرار رکھنے کے لئے اقدامات اٹھائے گئے ہیں، جس کے تحت ہر بس میں ایک پولیس اہلکار تعینات کردیا گیا ہے جبکہ میٹروبس اسٹیشنوں پر بھی سکیورٹی بڑھا دی گئی ہے۔