عوام ملک کی سچے دل سے خدمت کرنے والوں کو ووٹ دیں گے نواز شریف

پارٹی رہنما اور کارکن عوام سے رابطوں کو مزید موثر بنائیں ،نواز شریف فوٹو: فائل

---

مسلم لیگ (ن) کےصدر نواز شریف نے کہا ہے کہ آئندہ عام انتخابات میں عوام ملک کی سچے دل سے خدمت کرنے والوں کو ووٹ دیں گے ۔

مسلم لیگ(ن)کے صدر نوازشریف کی زیرصدارت پارٹی کے اہم رہنماؤں کا اجلاس ہوا ، جس میں وزیراعلی پنجاب شہباز شریف ، اپوزیشن لیڈر چوہدری نثارعلی خان ، خواجہ آصف ، غوث علی شاہ سمیت دیگر رہنماؤں نے شرکت کی۔

اجلاس میں دیگر جماعتوں سے انتخابی اتحاد اور نوازشریف کے دورہ سندھ کے حوالے سے لائحہ عمل ترتیب دیا گیا ، اس موقع پر نوازشریف نے پارٹی رہنماؤں اور کارکنوں کو ہدایت کی ہے کہ وہ عوام سے رابطوں کو مزید موثر بنائیں ۔