این اے 120 میں ضمنی انتخاب نوازشریف کے کاغذات نامزدگی مسترد

نواز شریف کےتجویزاورتائید کنندہ کا تعلق حلقےسےنہیں تھا،ریٹرننگ آفیسر فوٹو: فائل

---

قومی اسمبلی کے حلقہ این اے 120 میں ضمنی انتخاب کے لیے مقرر کردہ ریٹرننگ افسر نے سابق وزیراعظم نواز شریف کے کاغذات نامزدگی مسترد کردیئے ہیں۔

ایکسپریس نیوز کے مطابق لاہور میں قومی اسمبلی کے حلقہ این اے 120 پر ضمنی انتخاب کے لیے کاغذات ناگزدگی کا عمل دوسرے دن بھی جاری رہا۔ ریٹرننگ افسر محمد شاہد نے سابق وزیر اعظم نواز شریف کے کاغذات نامزدگی مسترد کردیئے۔ اس موقع پر انہوں نے کہا کہ نواز شریف کے تجویزاورتائید کنندہ کا تعلق حلقے سے نہیں تھا، قانون کی رو سے نوازشریف کو کاغذات مسترد کیے جانے کے خلاف اپیل کاحق حاصل ہے۔

واضح رہے کہ 28 جولائی کوسپریم کورٹ نے نواز شریف کو آئین کے آرٹیکل 62 کے تحت نااہل قرار دیتے ہوئے نیب کو ان کے خلاف مقدمات قائم کرنے کا حکم دنایا تھا۔