کلثوم نواز نجی دورے پر لندن روانہ

کاغذات کی جانچ پڑتال کے لیے ان کے وکیل اور کورنگ امیدوار میاں نعمان ریٹرننگ افسر کے سامنے پیش ہوں گے: فوٹو: فائل

---

سابق وزیر اعظم نواز شریف کی اہلیہ اور این اے 120کے ضمنی انتخاب میں مسلم لیگ (ن) کی امیدوار کلثوم نواز نجی دورے پر لندن روانہ ہوگئیں۔

ایکسپریس نیوز کے مطابق سابق وزیراعظم نوازشریف کی اہلیہ کلثوم نواز لاہور ائیرپورٹ سے پی آئی اے کی پرواز پی کے 757 کے ذریعے لندن روانہ ہوئیں۔ کلثوم نوازکی ٹکٹ کے مطابق وہ 24 ستمبر کی صبح 4 بجکر40 منٹ پر وطن واپس پہنچیں گی جب کہ ترجمان شریف فیملی کا کہنا ہے کہ کلثوم نواز تین روز میں واپس آجائیں گی۔

دوسری جانب بیگم کلثوم نوازنے این اے 120 کاغذات کی جانچ پڑتال کے لئے آج دوپہر 3 بجے الیکشن کمیشن آفس میں پیش ہوناتھا تاہم لندن روانگی کے بعد ان کے وکیل اور کورنگ امیدوار میاں نعمان ریٹرننگ افسر کے سامنے پیش ہوں گے۔