22ویں چیف آف دی نیول اسٹاف گالف چیمپئین شپ کا باقاعدہ آغاز

22 ویں چیف آف دی نیول اسٹاف گالف چیمپئین شپ کا باقاعدہ آغاز ہوگیا ہے۔

ترجمان پاک بحریہ کے مطابق کراچی گالف کلب میں 22 ویں چیف آف دی نیول اسٹاف گالف چیمپئین شپ کا باقاعدہ آغاز ہوگیا ہے جو کہ 20 اگست تک جاری رہے گی۔




4 روزہ سی این ایس گالف چیمپئین شپ میں ملک بھر سے600 سے زائد گالفرز حصہ لیں گے۔ چیمپئین شپ کے پہلے دن پروفیشنلز اور امیچرز کیٹیگری کے مقابلے ہوں گے، جن میں 200 سے زائد گالفرز حصہ لے رہے ہیں۔



مطلوب احمد 22 ویں سی این ایس گالف چیمپئین شپ میں اپنے اعزاز کا دفاع کریں گے۔