شوکازنوٹس کے بعدعمراکمل نے سوشل میڈیا پرمحاذ کھول لیا

میرا شک ایک بار پھر یقین میں بدل گیا کہ میرے خلاف سازش ہو رہی ہے،عمراکمل

Sports Desk August 18, 2017

ایک منصوبے کے تحت مجھے کرکٹ سے باہر کیا جا رہا ہے،عمراکمل،فوٹو:فائل

مکی آرتھرپرگالیاں دینے کا الزام لگانے پرپی سی بی کی جانب سے شوکاز نوٹس جاری ہونے کے بعد عمراکمل نے سوشل میڈیا پرمحاذ کھول لیا ہے اورکہا ہے کہ انہیں ایک سازش کے تحت دیوارکے ساتھ لگایا جا رہا ہے۔

سوشل میڈیا ویب سائٹ پر وقفے وقفے سے کئے گئے ٹوئٹس میں انہوں نے لکھا کہ تین چار سال سے ایک منصوبے کے تحت مجھے کرکٹ سے باہر کیا جا رہا ہے، میری آخری سلیکشن سے یہ چیز صاف صاف ظاہر ہوتی ہے۔

تین چار سالوں سے مجھے ایک منصوبے کے تحت کرکٹ سے باہر کیا جا رہا ہے۔میری آخری سلیکشن سے یہ چیز صاف صاف ظاہر ہوتی ہے1/10
— Umar Akmal (@Umar96Akmal) August 17, 2017

عمر اکمل نے ایک اور ٹویٹ میں کہا کہ این سی اے میں لئے گئے فٹنس ٹیسٹ میں چیمپئنز ٹرافی کے لئے منتخب کیا گیا اور جب انگلینڈ پہنچا توہیڈ کوچ مکی آرتھر نے منصوبے کے تحت ساری ٹیم کا ڈمی ٹیسٹ لیا اورمجھے ان فٹ قراردے کر واپس بھجوا دیا۔ یہاں میرا شک ایک بار پھر یقین میں بدل گیا کہ میرے خلاف سازش ہو رہی ہے۔

نیشنل کرکٹ اکیڈمی میں میرا فٹنس ٹیسٹ ہوا تھا جس میں مجھے چیمپیئنز ٹرافی کے لئے سلیکٹ کیاگیا 2/10
— Umar Akmal (@Umar96Akmal) August 17, 2017

مگر افسوس جب میں انگلینڈ پہنچا تو مکی آرتھر نے ایک منصوبے کے تحت ساری ٹیم کا ڈمی ٹیسٹ لیا اور مجھے ان فٹ کہہ کر واپس بھیج دیا 4/10
— Umar Akmal (@Umar96Akmal) August 17, 2017

یہاں میرا شک ایک بار پھر یقین میں بدل گیا کہ میرے خلاف سازش ہو رہی ہے۔5/10
— Umar Akmal (@Umar96Akmal) August 17, 2017

عمر اکمل نے کہا کہ اگراین سی اے کے ہیڈکوچ مشتاق احمد اورچیف سلیکٹر انضمام الحق قرآن پاک پرہاتھ رکھ کرکہہ دیں کہ مکی آرتھرنے گالیاں نہیں دیں تو میں پی سی بی اورساری قوم سے سرعام معافی مانگ لوں گا۔

قرآن پاک پر ہا تھ رکھ کر مشتاق اور انضمام کہہ دیں کہ مکی آرتھر نے گالیاں نہیں دیں تو میں پی سی بی اور ساری قوم سے سر عام معافی مانگ لوں گا
— Umar Akmal (@Umar96Akmal) August 17, 2017

عمر اکمل نے مزید کہا کہ میں نے جو غلطیاں کی ہیں انہیں دورکرکے چھوڑوں گا لیکن میرے ساتھ سیاست نہ کی جائے اورجھوٹ سچ ملا کر مجھے ختم کرنے کی کوشش نہ کی جائے میں اپنے اوپر لگائے گئے تمام الزامات کی تفصیلات سامنے لاﺅں گا۔

میری جو بھی غلطیاں ہیں انشا اللہّ انہیں دور کر کے چھوڑوں گا۔ لیکن میرے ساتھ سیاست اور جھوٹ سچ ملا کر مجھے ختم نہ کیا جائے
— Umar Akmal (@Umar96Akmal) August 17, 2017